ОРАЛ. ҚазАқпарат - Батыс Қазақстан облысында автокөлік аударылып, екі адам ауруханаға жеткізілді, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, оқиға 17 қараша күні таңғы сағат 07.30 шамасында болды.
Чапаев-Жаңақала жолында Жаңақала ауданы Қызылоба ауылы тұсында «Тойота Ланд Крузер» автокөлігі аударылды.
Оқиға орнынан трассалық-медициналық құтқару бекетінің күшімен (4 адам, 1 техника) түрлі жарақат алған 1982 жылғы әйел мен 2015 жылғы бала Ақжайық аудандық орталық ауруханасына жеткізілді.
Қазіргі кезде оқиғаның жай-жапсары анықталу үстінде.
Облыстық денсаулық сақтау басқармасының баспасөз хатшысы Айнагүл Сақпосынованың нақтылауынша, 1982 жылғы жүргізуші ер адамға Қызылоба фельдшерлік-акушерлік пункті Төртқұлақ медицина пункті қызметкерлері алғашқы медициналық көмек көрсетті. Ол Жаңақала аудандық ауруханасына барудан бас тартты. 4 жасар ер бала жабық бас-ми жарақатын алған, миына зақым келген. 37 жастағы әйел сынық жарақатын алған.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).