ОРАЛ. ҚазАқпарат – Батыс Қазақстан облысында автокөлік суға кетіп, жүргізуші қаза тапты, деп хабарлайды ҚазАқпарат тілшісі.
БҚО Төтенше жағдайлар департаментінің баспасөз қызметінен мәлім еткеніндей, оқиға бүгін, таңғы сағат 09.00 шамасында Ақжайық ауданы Тайпақ ауылында болды.
Жайық өзенінен пароммен өтер кезде ВАЗ-2110 автокөлігінің тежегіші істемей қалып, суға түсіп кеткен.
Автокөлік иесі, 36 жастағы азамат Жанама ауылынан Тайпақ ауылына жұмысқа бара жатқан.
Сағат 12.15-те жедел құтқару жасағының күшімен (4 адам, 1 техника) марқұмның денесі көліктен шығарылды.
БҚО Полиция департаменті баспасөз қызметінің нақтылауынша, осы оқиға бойынша ҚР ҚК 344-бабы 2-бөлігіне сәйкес (абайсызда адам өліміне әкеп соққан темiржол, әуе, теңіз немесе өзен көлiгi жүрісі немесе оларды пайдалану қауiпсiздiгi қағидаларын бұзу) қылмыстық іс қозғалды.
Еске сала кетейік, бұдан бұрын Оралда екі жеңіл көлік түйісіп, 4 адамның жарақат алғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).