ОРАЛ. ҚазАқпарат - Батыс Қазақстан облысында автокөлік жылқыға соқтығысты, деп хабарлайды «ҚазАқпарат» тілшісі.
Қаратөбе аудандық ішкі істер бөлімі жол полициясының аға инспекторы Айбек Арсеновтің айтуынша, оқиға бүгін сағат 06.45 шамасында Жымпиты-Қарақамыс жолының 93-шақырымында орын алды. «Lada 21703» ныспылы автокөлік жол бойында жайылып жүрген екі бас жылқымен соқтығысқан.
Оқиға салдарынан жылқының екеуі де мерт болды. Абырой болғанда, адамдар аман.
Малдың иесі анықталып, жылқыны қараусыз жібергені үшін әкімшілік жауапкершілікке тартылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).