ОРАЛ. ҚазАқпарат – Батыс Қазақстан облысында аяздың күшеюіне байланысты көлік қозғалысы шектелді, деп хабарлайды ҚазАқпарат тілшісі.
«ҚазАвтоЖол» АҚ БҚО филиалының мәліметі бойынша 9 қаңтар күні жергілікті сағат 23.30-дан бастап ауа райының нашарлауына байланысты Самара-Шымкент автожолында (394-526 км, Жымпиты ауылынан Ақтөбе облысының шекарасына дейін) жолаушылар автобусы мен дизель отынымен жүретін автокөліктер үшін қозғалыс шектелді.
Шектелу себебі – ауа температурасы -30°С-қа дейін төмендеген. Осыған байланысты БҚО ТЖ департаменті ескерту жарияланғанын жеткізді.
Еске сала кетейік, бұдан бұрын Батыс Қазақстанда мал бағып жүріп жоғалып кеткен жасөспірімнің табылғанын жазған едік.
Сондай-ақ Астана мен бірнеше өңірде сабақ онлайн өтеді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).