ОРАЛ. ҚазАқпарат - Батыс Қазақстан облысында газдан уланған әйел мен сәби ауруханаға түсті, деп хабарлайды «ҚазАқпарат» тілшісі.
БҚО ТЖ департаментінің баспасөз қызметінен түскен мәліметке қарағанда, 16 қаңтарға қараған түні сағат 00.00-де Зеленов ауданы Красноармейск ауылы Набережная көшесі, №27 үйде оқыс оқиға болды.
Табиғи газбен жылытылатын пештің істен шығуына байланысты 1986 жылғы келіншек пен 2017 жылғы бала уланған.
Айта кетейік, 2017 жылы өңірде өрт болмай-ақ, газдан 2 адам уланып қаза тапты. Сондай-ақ өрт кезінде газдан уланған 9 адам көз жұмды. Оған қоса өрт кезінде 3, өртсіз оқиғадан 16 адам жарақат алды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).