ОРАЛ. 6 желтоқсан. ҚазАқпарат /Елжан Ералы/ - Облыс әкімінің бірінші орынбасары Нұрлан Ноғаевтың төрағалығымен өткен аймақтық үйлестіру кеңесінің кезекті отырысында
«Бизнестің жол картасы-2020» бағдарламасының бірінші бағыты - «Жаңа бизнес бастамаларын қолдау» бойынша банк несиелерінің пайыздық мөлшерлемелерін субсидиялау бағытында жаңа жобалар талқыланды.
«Аймағамбетов Б.С.» ЖК екі самосвал алуды жоспарлап отыр, соның арқасында төрт қосымша жұмыс орны ашылмақ. Жоба «Ресей жинақбанкі» АҚ бөлімшесі арқылы жүзеге асырылмақ. «Риа Мир» ЖШС да «АТФ Банк» АҚ арқылы автокөлік құралдарын алуды көздейді.
Стоматологиялық қызметпен айналысатын «Джунусова Л.А.» ЖК стоматологиялық құрал-жабдық алмақшы. Мұнда бір жұмыс орны ашылмақ. Жоба «Казкоммерцбанк» АҚ арқылы қаржыландырылады.
Аталмыш жобалар келісу үшін ҚР Экономика және сауда миинистрлігіне жолданды.
Бағдарлама басталғаннан бері аймақтық үйлестіру кеңесі бірінші және үшінші бағыттар бойынша 50 жобаны мақұлдаса, соның 34-іне демеуқаржы бөлу жөнінде келісісм-шартқа қол қойылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).