ОРАЛ. ҚазАқпарат – Батыс Қазақстан облысында соңғы тәулікте індет жұқтырған 13 науқас тіркеліп, 138 адам коронавирустан сауығып шықты, деп хабарлайды ҚазАқпарат тілшісі.
БҚО денсаулық сақтау басқармасынан мәлім еткеніндей, соңғы аптада алдыңғымен салыстырғанда, індет жұқтыру көрсеткіші 8,4 пайызға (44 науқасқа) төмендеді.
Жыл басынан бері облыс бойынша 14880 адамнан коронавирус табылып, соның 9910-ында ауру белгілері байқалса, 4970-сінде симптом болмаған.
Науқастардың дені, яғни 55,6 пайызы (8275) Орал қаласы, 14,3 пайызы (2130) Бәйтерек, 11,1 пайызы (1662) Бөрлі ауданында тіркелді.
Қазіргі таңда облыста 442, соның ішінде Орал қаласында 364 науқас инфекциялық стационарларда емделіп жатса, соның 35-і жансақтау бөлімінде.
Пандемия басталғаннан бері өңірде коронавирус жұқтырған 24101 адамның 19356-сы емделіп шықты. 361 адам көз жұмды.
Еске сала кетейік, бұдан бұрын БҚО-да коронавирусқа шалдыққан 34 науқастың жансақтау бөлімінде жатқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).