ОРАЛ. ҚазАқпарат - Бүгін Ақжайық ауданында Жаңабұлақ ауылдық округінің 1966 жылғы тұрғыны Т-ның денесі даладан табылды, деп хабарлайды «ҚазАқпарат» ХАА тілшісі.
Ақжайық аудандық жедел құтқару жасағының басшысы Марат Қабақаевтың айтуынша, аталған тұрғын Чернышев елді мекенінде малшының көмекшісі болып жұмыс жасаған, отбасын құрмаған адам екен. 26 қаңтар күні сол күні кешкісін шығып кетеді. Ол алты шақырым жердегі Железнов елді мекенін бетке алып, жолда адасып кеткен секілді.
Т-ны іздеу жұмыстары бірнеше күн жалғасып, үсіп кеткен денесі Железновтан 1,5 км жерден табылды.
Айта кетейік, ауданда мұндай оқиға биыл бірінші рет тіркеліп отыр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).