ОРАЛ. ҚазАқпарат – Батыс Қазақстан облысында боранға байланысты республикалық жолдар жабылды, деп хабарлайды ҚазАқпарат тілшісі.
«Қазавтожол» ЖШС БҚО филиалының мәліметіне қарағанда, 17 наурыз күні жергілікті сағат 21.30-дан бастап ауа райының нашарлауына байланысты республикалық Атырау-Орал (492-189 км, Орал қаласынан Атырау облысының шекарасына дейін) және Орал-Тасқала- РФ шекарасы (31-104 км, Переметный ауылынан РФ шекарасына дейін) жолдарында барлық автокөлік түрлері үшін қозғалыс шектелді.
Жабылу себебі – қатты бұрқасын (көру шегі 50 метрге дейін). Осыған байланысты БҚО ТЖ департаменті ескерту жарияланғанын хабарлады.
Жәнібек ауданынан Оралға сапарлап келе жатқан жолаушылар да боран мен көктайғаққа байланысты автокөліктің әзер жүріп келе жатқанын жеткізді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).