ОРАЛ. ҚазАқпарат – Батыс Қазақстан облысында бұралқы иттер 25 қойды қырып кетті, деп хабарлайды ҚазАқпарат тілшісі.
БҚО полиция департаментінің ресми өкілі Болатбек Белгібековтің мәлім еткеніндей, оқиға Ақжайық ауданы Тайпақ ауылында болды.
2 қыркүйек күні таңғы сағат 07.00 шамасында ауыл шетінде тұратын екі тұрғынның, бірінің 18, екіншісінің 7 қойын иттер өлтіріп кеткен.
Иттің иесі анықталған жағдайда хаттама толтырылады.
Өткен жылдан бері бұралқы иттерді атуға тыйым салынғаны белгілі. Қазіргі уақытта, әсіресе, ауылдық жерлерде бұралқы ит, мысықтардың көбеюі күрделі мәселеге айналып отыр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).