ОРАЛ. ҚазАқпарат - Зеленов аудандық №2 сотының үкімімен Жайық өзені бойындағы карьер жағажайының күзетшісі болып жұмыс жасаған Д.Тілекқабылов ҚР ҚК 106-бабы 3-бөліміне сәйкес айыпты деп танылып, сегіз жылға бас бостандығынан айырылды, деп хабарлайды «ҚазАқпарат» ХАА тілшісі.
БҚО прокуратурасының баспасөз қызметінен түскен мәліметке қарағанда, Д.Тілекқабылов өткен жылғы 26 маусымда жағажайға демалуға келген Э.Сыйқовпен сөзге келіп, басынан бір мәрте соққы жасаған. Марқұм оқиға орнында есін жимастан көз жұмған.
Д.Тілекқабылов айыптауда көрсетілген кінәсін ішінара мойындады.
Сот үкімі заңды күшіне енді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).