ОРАЛ. 14 қараша. ҚазАқпарат /Елжан Ералы/ - 13 қараша күні облыстық ішкі істер департаменті табиғат қорғау бөлімі мен малдәрігерлік полиция қызметкерлері Теректі ауданы Колузанов көлі маңында елікті тиісті құжатсыз атқан Зеленов ауданының 41 жасар тұрғынын ұстады.
Департаменттің баспасөз қызметінен хабарлағанындай, аталмыш азаматтан еліктің ұшасы, 12 ұңғылы «Бекас» мылтығы, 24 оқ алынған.
Сондай-ақ департаменттің кримниалдық полиция және ұйымдасқан қылмыспен күрес басқармаларының, Ақжайық ІІБ қызметкерлері Оралға қарасты Бортау мен Зеленов ауданы Янайкин ауылының 31 және 34 жасар тұрғындарын қолға түсірді. Бұлар 2009 жылы 25 маусымда Ақжайық ауданы Қосқұдық жайылымынан 36 бас жылқыны қымқырып кеткен.
Өткен аптада ұрлық, кісі тонау, қарақшылық шабуыл оқиғалары да тіркелді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).