ОРАЛ. ҚазАқпарат – Батыс Қазақстан облысында ер адамды өлтірген күдікті іздестіріліп жатыр, деп хабарлайды ҚазАқпарат тілшісі.
БҚО полиция департаментінің баспасөз қызметі мәлім еткеніндей, 3 ақпан күні шамамен сағат 16.30-да Ақсай қаласындағы жалдамалы пәтерлердің бірінен 46 жастағы А. деген ер адамның мәйіті табылды.
Тексеру кезінде оның денесінде зорлықпен өлтірілген белгілер бар екендігі анықталды. Марқұм бұрын бірнеше рет қылмыстық жауапқа тартылған.
Осы аса ауыр қылмысты жасады деген күдікпен Орал қаласының тұрғыны, 1981 жылғы Антон Гирчук іздестірілуде.
«Оның жүрген жері немесе күдікті туралы ақпарат білетіндер болса, 102, 8-711-2-98-45-30, 8-711-2-33-10-44 және 8-777-061-03-66 нөміріне хабарласуға болады», деді полиция департаментінің баспасөз қызметі.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).