ОРАЛ. ҚазАқпарат – Батыс Қазақстан облысында еріген қар суы жолдың үстіне шығып кетті, деп хабарлайды ҚазАқпарат тілшісі.
БҚО Төтенше жағдайлар департаментінің баспасөз қызметінен мәлім еткеніндей, оқиға 24 наурыз күні Бөкей ордасы ауданы Бисен ауылдық округінде болды.
Қардың күрт еруіне байланысты сағат 18.00-де Бисен ауылынан 18 шақырым жерде облыстық маңызы бар Чапаев-Жаңақала-Сайқын жолының 192-шақырымында су (ені 5 метр, тереңдігі 3-5 см) жолдың үстіне шығып кеткен.
«Көлік қозғалысы бұзылған жоқ. Жергілікті атқарушы органдар (2 қызметкер, 1 техника) және полиция бөлімінің (1 қызметкер, 1 техника) күшімен кезекшілік ұйымдастырылды», - деп хабарлады ТЖ департаментінен.
Осы маңнан өтіп жатқан жүргізушілер мен жолаушылар да судың жолды жырып кеткенін айтып, тұрғындарға сақ болу керектігін ескертіп жатыр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).