ОРАЛ. ҚазАқпарат - 29 қаңтар күні 16 сағат 55 минутта БҚО ТЖ департаменті өрт сөндіру және апаттық-құтқару қызметі №25 өрт бөліміне Зеленов ауданы Переметный ауылындағы Гагарин көшесі 134-мекенжайда бір пәтерлік үй сенесінде газ баллонынан өрт шыққаны жөнінде мәлімет түскен, деп хабарлайды «ҚазАқпарат» ХАА тілшісі.
ТЖ департаментінен түскен дерекке қарағанда, газдың шарпуы салдарынан 16 шаршы метр аумақтағы сененің төбесі жанған. Оған қоса 1954 жылғы әйел жамбасынан, екі тізесінен, қолы мен бетінен 1 дәрежелі 25 пайыз күйік алған. 17 сағат 55 минутта беті қайтқан өрт 18.25-те толықтай сөндірілген.
Өрт сөндіруге 1 техника, 4 адам жұмылдырылды.
Қазіргі кезде оқиғаның себеп-салдары, келтірілген шығын, кінәлілер анықталуда.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).