ОРАЛ. ҚазАқпарат - БҚО-да із-түзсіз жоғалып кеткен студент төртінші күн іздестіріліп жатыр, деп хабарлайды ҚазАқпарат тілшісі.
БҚО полиция департаменті баспасөз қызметінен түскен мәліметке қарағанда, Орал қаласында тұратын 18 жастағы Ерасыл Төлеуғали 21 тамыз күні шамамен сағат 12.00-де Ақжайық ауданы Базаршолан ауылынан 8 шақырым жердегі Қыдырбай қыстағынан шығып кеткен.
Содан бері үйіне оралмаған. «Полицияға туыстары 22 тамыз күні шағым түсірген.
Бойы 160-170 см, арықша келген, шашы қара, қысқа, дөңгелек жүзді. Үстіне қара түсті спорттық киім, көк аяқкиім киген. Бұрын кетпеген. Ұялы телефонын үйге қалдырып кеткен», деп хабарлады ведомстводан.
Студентті көрген-білген жан болса, 8-702-924-05-84, 8-702-378-02-66 телефонына хабарласуы сұралады.
Еске сала кетейік, бұдан бұрын Оралда кейуана мен немересін ұрып-соққан мас тұрғынның ұсталғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).