ОРАЛ. ҚазАқпарат – Батыс Қазақстан облысында «КамАЗ» көлігі өртеніп кетті, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, оқиға 13 желтоқсан күні Теректі ауданы аумағында орын алды.
Подстепный-Федоров-РФ шекарасы жолының Долинный ауылы тұсында сағат 11.30-да «КамАЗ» (самосвал) автокөлігі жанды.
Өртті сөндіруге 4 адам 1 техникамен жетті. «Тілсіз жау» сағат 12.45-те ауыздықталды.
Айта кетейік, облыста жыл басынан бері автокөлікте 98 өрт тіркелді. Соның 71-і – жеңіл көлік, 15-і – жүк көлігі, біреуі – автобус, үшеуі – құрылыс техникасы, 8-і – ауыл шаруашылығы машиналары.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).