ОРАЛ. ҚазАқпарат - Батыс Қазақстан облысында қарақшылық жасап, әйелді өлтірген ер адам ұсталды, деп хабарлайды ҚазАқпарат тілшісі.
БҚО полиция департаментінің баспасөз қызметі мәлім еткендей, бұл оқиға ҚР ҚК 192-бабы 3-бөлігіне (қарақшылық) сәйкес қылмыстық істі тергеу барысында анықталды.
29 жастағы К. 7 қараша күні сағат 04.30-да қарақшылыққа ұласқан арам пиғылмен әрі өлтіру мақсатымен 47 жастағы Н. деген әйелдің үйіне заңсыз басып кірген.
Содан кейін әйелге әлденеше рет пышақ жұмсаған.
Соның салдарынан әйел 9 қараша күні Орал қалалық көпбейінді ауруханасында көз жұмды.
Қазіргі кезде ҚР ҚК 99-бабы 2-бөлігіне (адам өлтіру) сәйкес сотқа дейінгі тергеу амалдары жүргізілуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).