ОРАЛ. 11 қаңтар. ҚазАқпарат /Елжан Ералы/ - 10-14 қаңтар аралығында Батыс Қазақстан облысында «Қауіпсіз жол» жедел алдын алу шарасы жүргізілуде.
Аталмыш шара қысқы Азия ойындары алдында ұйымдастырылып отыр. БҚО ішкі істер департаменті жол полициясы басқармасының инспекторы, полиция капитаны Динара Абдуқалиқованың айтуынша, шара мақсаты - Азиада қарсаңында жол-көлік оқиғаларының санын азайту. Бұл ретте автокөлік руліне мас күйінде отыру, құжатсыз жүргізу, жылдамдықты шектен тыс арттыру фактілеріне ерекше көңіл бөлінуде.
Өңірде жол ережесін бұзушылықты болдырмау мақсатында жол полициясы басқармасының жеке құрамы күшейтілген режимге көшірілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).