ОРАЛ. 9 қаңтар. ҚазАқпарат /Елжан Ералы/ - Батыс Қазақстан облысында кісі өліміне соқтырған екі бірдей оқиға орын алды.
Облыстық ішкі істер департаментінің баспасөз қызметінен түскен мәліметке қарағанда, 7 қаңтар күні Самара-Шымкент күре жолы бойында «Ауди-100» автокөлігінің 30 жасар жүргізушісі қарсы бетке шығып кетіп, «УАЗ» автокөлігімен соқтығысуға жол берді. Соның салдарынан «Ауди-100» автокөлігінің жолаушылары, 51 жастағы ер адам оқиға орнында көз жұмса, 35 жастағы әйел Орал қаласындағы облыстық ауруханаға жеткізілді.
8 қаңтарға қараған түні Ақжайық ауданының Ақбұлақ елді мекенінде 36 жастағы әйел спирттік ішімдік ішу кезінде шыққан ұрыс-керістің салдарынан 35 жастағы өз күйеуін пышақтап өлтірген. Әйел аудандық ішкі істер бөлімі жанындағы уақытша ұстау изоляторына қамалды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).