ОРАЛ. ҚазАқпарат – Батыс Қазақстан облысында екі автокөлік соқтығысып, бір адам қаза тапты, деп хабарлайды ҚазАқпарат тілшісі.
БҚО денсаулық сақтау басқармасынан түскен мәліметке қарағанда, 3 тамыз күні кешке қарай Желаев жолы бойында Бәйтерек ауданы Трекин ауылына жетпей, Hyundai мен «Лада Ларгус» автокөліктері бетпе-бет түйіскен.
Соның салдарынан 40 жастағы ер адам жедел жәрдем келгенге дейін көз жұмды.
Алдын ала мәлімет бойынша жабық бас-ми жарақатын алып, миы шайқалған, қабырғалары мен жіліншігі сынған 1979 жылғы ер адам облыстық көпбейінді ауруханаға жеткізілді.
БҚО полиция департаментінің баспасөз қызметі оқиғаның мән-жайы анықталып жатқандығын жеткізді.
Еске сала кетейік, бұдан бұрын Оралда ер адамның мас күйінде 6 жасар қызды алып кетпек болғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).