ОРАЛ. ҚазАқпарат - Бүгін Батыс Қазақстан облысында автокөлік аударылып, ер адам қаза тапты, деп хабарлайды ҚазАқпарат тілшісі.
Оқиға Орал-Атырау жолында қаладан шыға берістегі Желтауда (Свистун гора) сағат 11.00 шамасында болған. Машина жолдан шығып кетіп, аударылған.
Облыстық денсаулық сақтау басқармасының баспасөз хатшысы Айнагүл Сақпосынованың айтуынша, жедел жәрдем автокөлігімен 1970 жылғы ер адам көптеген жарақаттармен сағат 11.10-де қалалық көпбейінді ауруханаға жеткізілген. Ол сағат 11.35-те көз жұмған.
Қазіргі кезде оқиғаның жай-жапсары анықталып жатыр.
Фото: zytomyr.info
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).