ОРАЛ. ҚазАқпарат – Батыс Қазақстан облысында коронавирус жұқтырған 153 науқас инфекциялық стационарларда ем алып жатыр, деп хабарлайды ҚазАқпарат тілшісі.
БҚО денсаулық сақтау басқармасының баспасөз қызметі мәлім еткеніндей, соның 122-сі Орал қаласындағы модульдік ауруханада ем алуда.
Қазіргі кезде стационарлар 17,6 пайызға толған. 15 пациент ауыр халде, олардың арасында инвазивті жасанды тыныс алу аппаратына қосылғандар жоқ.
Облыста сондай-ақ 511 адам амбулаторлық ем алуда.
Басқарма мәліметіне қарағанда, пандемия басталғаннан бері барлығы 39 213, биыл 29 992 науқас тіркелді.
Соңғы аптада коронавирус жұқтыру көрсеткіші 9,9 пайызға төмендеді.
Жыл басынан бері ауырған 2930 баланың 2880-і жазылып шықты. 50-і сауығу үстінде.
Еске сала кетейік, бұдан бұрын БҚО-да коронавирустан көз жұмғандардың 84,3 пайызы егде жастағы адамдар екенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).