ОРАЛ. ҚазАқпарат – Батыс Қазақстан облысында коронавирус жұқтырған соңғы науқас Ресейден келген шымкенттік тұрғын болып шықты, деп хабарлайды ҚазАқпарат тілшісі.
Өңірде коронавирус жұқтырған соңғы науқас – Ресейде вахталық әдіспен жұмыс істейтін Шымкент қаласының 40 жастағы тұрғыны.
Самара облысымен шектесетін «Сырым» бекетінен өткен кезде оның денсаулығына шағымы болмаған. Дегенмен ол жедел жәрдеммен карантиндік стационарға жеткізілді.
Зертханалық сынама қорытындысымен одан коронавирус анықталып, облыстық жұқпалы аурулар ауруханасына жатқызылды.
Дезинфекциялық жұмыстар жүргізілді. Эпидемияға қарсы шаралар жалғасуда.
Осылайша БҚО-да ауырғандар саны 64-ке жетіп, соның екеуі жазылып шықты. Сырқаттанғандардың 56-сы – шеттен келгендер.
Еске сала кетейік, бұдан бұрын БҚО-ның Тасқала ауданында карантиндік және провизорлық стационар ашылғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).