ОРАЛ. ҚазАқпарат – Батыс Қазақстан облысында 1110 төсектік 11 инфекциялық стационарда коронавирусқа шалдыққан 631 науқас жатыр, деп хабарлайды ҚазАқпарат тілшісі.
БҚО Денсаулық сақтау басқармасынан мәлім еткеніндей, соның ішінде 31-і жансақтау бөлімінде ем алуда.
Облыста осы кезге дейін 17738 адам коронавирус жұқтырып, соның 14070-і сауығып шықты. 267 адам көз жұмды.
Соңғы тәулікте - 231, бір аптада 1125 адам тіркелді.
Пневмониямен ауырған 479 адам стационарда, 42-сі амбулаторлық ем алуда.
Инвазивті жасанды тыныс алу аппаратына - 7, инвазивті емес құрылғыға - 5, оттегі концентраторына - 24, орталықтандырылған оттегі көзіне 132 адам қосылған.
Басқарма мәліметіне қарағанда, жыл басынан бері 619 бала коронавирус жұқтырған.
«Облыста індетке қарсы егу жұмыстары жалғасуда. Күні бүгінге дейін 23870 адам вакцинаның бірінші, 5014-і екінші компонентімен егілді», деп хабарлады БҚО денсаулық сақтау басқармасы.
Еске сала кетейік, бұдан бұрын Батыс Қазақстан облысында 24 мыңға жуық адам коронавирусқа қарсы екпе салдырғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).