ОРАЛ. ҚазАқпарат – Батыс Қазақстан облысының Ақсай қаласында қос қабатты тұрғын үй жанып кетті, деп хабарлайды ҚазАқпарат тілшісі.
Облыстық Төтенше жағдайлар департаментінің баспасөз қызметінен түскен мәліметке қарағанда, өрт 10 қараша күні сағат 23.30-да Линейная көшесі, 40/1-мекенжайындағы мансардалы үйден шыққан.
80 шаршы метр аумақты шарпыған жалын 11 қарашада сағат 00.52-де сөндірілді.
«Тілсіз жауды» ауыздықтауға 10 адам, 3 техника жұмылдырылды.
Қазіргі кезде өрттің шығу себебі, үйдің иесі, келтірілген шығын және кінәлі адамдар анықталу үстінде.
Айта кетейік, жыл басынан бері өңірде тұрғын үйлерде 310 өрт оқиғасы болып, салдарынан 6 адам қаза тапты, 15-і зардап шекті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).