23:13, 19 Қазан 2018

БҚО-да қойма отқа оранды

ОРАЛ. ҚазАқпарат - Зеленов ауданы Мичурин ауылында қомақты қойма отқа оранды, деп хабарлайды ҚазАқпарат тілшісі.

Батыс Қазақстан облыстық Төтенше жағдайлар департаментінің баспасөз қызметінен түскен мәліметке қарағанда, қойманың 190 шаршы метр аумағы өртеніп жатқаны жөнінде хабар 19 қазан күні сағат 14.50-де түскен.

Өрттің салдарынан қойма жартылай опырылған. Қойманың жалпы алаңы - 270 шаршы метр.

«Тілсіз жау» 18.57-де оқшауланып, 19.08-де ауыздықталды.

Оқиға орнында жеке құрамнан 11 адам 2 техникамен жұмыс жасады.

Қазіргі кезде өрттің шығу себебі, келтірілген шығын анықталу үстінде.

Осыған дейін Батыс Қазақстан облысында тұрғын үйдегі өрттен ер адамның көз жұмғандығын хабарлағанбыз.

Батыс Қазақстан облысы Оқиға

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).