ОРАЛ. ҚазАқпарат - Батыс Қазақстан облысында көзінен жарақат алған оқушыға ота жасалды, деп хабарлайды ҚазАқпарат тілшісі.
Облыстық денсаулық сақтау басқармасының баспасөз хатшысы Айнагүл Сақпосынованың айтуынша, Жаңақала ауылында 2008 жылғы ер бала 6 мамыр күні таңмен сол көзінен жарақат алған.
Оқушы сағат 08.40-та аудандық ауруханада көз дәрігерінің қабылдауында болып, алғашқы көмек көрсетілді.
«Бала медицина қызметкерімен бірге облыстық аурухананың офтальмология бөлімшесіне жеткізілді. Көзіне ота жасалды. Жағдайы қанағаттанарлық», деді ҚазАқпарат тілшісіне А.Сақпосынова.
Еске сала кетейік, БҚО-да сабақ кезінде оқушы көзінен жарақат алған болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).