БҚО-да Крещение мерекесінде 1 400-ге жуық адам суға шомылып шықты
ОРАЛ. KAZINFORM – Батыс Қазақстан облысында Крещение мерекесінде 1 356 адам суға түсіп шықты.
Фото: БҚО ТЖД
БҚО ТЖ департаментінің баспасөз қызметінен мәлім еткеніндей, солардың 156-сы – балалар. Шомылу кезінде төтенше жағдай тіркелген жоқ.
Фото: БҚО ТЖД
- Департамент қызметкерлері діни шара кезінде қауіпсіздікті қамтамасыз етіп жатыр. Осы орайда дәстүрлі рәсімдер өтетін орындарға ерекше назар аударылды. Өткен жылы да өңірде оқыс оқиға болған жоқ, - деп хабарлады ведомстводан.
Фото: БҚО ТЖД
Орал қаласы әкімдігінің нақтылауынша, бастапқыда шаһар бойынша суға түсуге арналған 11 орын белгіленгенімен, олардың саны 9-ға дейін қысқарды. Атап айтқанда, Зачаган кентіндегі Коминтерн және қаладағы бұрынғы «Металлист» зауыты ауданында мұздың жұқа болуына және орынның жабдықталмауына байланысты суға түсуге тыйым салынды. Қазіргі кезде қалған 9 орында төтенше жағдай және медицина қызметкерлері кезекшілік етіп жатыр.
Фото: БҚО ТЖД
Еске сала кетейік, бұдан бұрын БҚО-да Крещение мерекесінде 130-дан астам ТЖ қызметкері кезекшілік ететінін жазған болатынбыз.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).