ОРАЛ. ҚазАқпарат - Батыс Қазақстан облысында күн жылынып, қардың еруіне байланысты су деңгейі көтеріледі, деп хабарлайды ҚазАқпарат тілшісі.
«Қазгидромет» РМК БҚО филиалының мәліметі бойынша 22-23 наурыз аралығында күннің жылылығына қоса жауын-шашын да түседі.
Соған орай қар күрт еріп, өзендерде мұз қабаты әлсіреп, су деңгейі көтеріледі.
Осыған байланысты БҚО ТЖ департаменті ескерту жариялады.
«Қазіргі кезде тұрғындар арасында төтенше жағдайларды болдырмау, өмірлік маңызы зор нысандардың қалыпты қызметін қамтамасыз ету мақсатында тиісті шаралар қолға алынуда», деп хабарлады ҚазАқпарат тілшісіне ТЖ департаментінен.
Еске сала кетейік, бұдан бұрын БҚО-да 60-тан астам автокөліктің қар құрсауынан құтқарылғанын, Оралда қар қылаулап жауып тұрғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).