ОРАЛ. KAZINFORM — Батыс Қазақстан облысы Бәйтерек ауданы Мичурин ауылында қайғылы оқиға болды.
БҚО полиция департаментінің баспасөз қызметінен мәлім еткеніндей, 7 қараша күні көпқабатты тұрғын үйдің құрылыс алаңында кран құлап кетті.
Оқиға салдарынан краншы сол жерде жан тапсырды.
— Аталған дерек бойынша сотқа дейінгі тергеу амалдары басталды. Қажетті тергеу жүргізіліп, оқиғаның барлық мән-жайы анықталып жатыр. Басқа ақпарат Қылмыстық-процестік кодекстің 201-бабына сәйкес жариялауға жатпайды, — деп хабарлады ведомстводан.
Тұрғындардың сөзіне қарағанда, оқиға Придорожная көшесі 87-үйдің құрылыс алаңында болды.
Еске сала кетейік, бұдан бұрын Батыс Қазақстанда мотоцикл аударылып, ер адам көз жұмғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).