ОРАЛ. KAZINFORM — Батыс Қазақстан облысы Жаңақала ауданында денсаулыққа қасақана зиян келтіру дерегі бойынша төрт күдікті қолға түсті.
БҚО полиция департаментінің баспасөз қызметінен мәлім еткеніндей, оқиға 19 шілде күні шамамен сағат 15.00-де Жаңақала-Чапаев жолы бойында болды.
— Барлық күдіктілер анықталып, ұсталды. Қазіргі кезде олар уақытша ұстау изоляторына қамалды. Оқиғаның мән-жайын толық анықтау мақсатында қажетті тергеу амалдары жүргізіліп жатыр. Қылмыстық істің тергелуі департамент басшылығының ерекше бақылауында, — деп хабарлады ведомстводан.
Тұрғындардың сөзіне қарағанда, күдіктілер жол салушы «Ануш Құрылыс» ЖШС-ның екі қызметкерін ұрып соққан. Олардың біреуі — армениялық азамат.
Еске сала кетейік, бұдан бұрын БҚО-да тендерді жеңіп алған депутаттың компаниясы жол салмай отырғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).