ОРАЛ. ҚазАқпарат – Батыс Қазақстан облысында күшті жел бірнеше ғимараттың шатырын жұлып әкетті, деп хабарлайды ҚазАқпарат тілшісі.
БҚО ТЖ департаментінің аға инженері Индира Өтешеваның айтуынша, оқыс оқиға 12 сәуір күні Жәнібек және Тасқала аудандарында орын алды.
Жылдамдығы секундына 20 метрге дейін жеткен қатты желдің салдарынан Жәнібекте екі, Тасқалада бір ғимараттың шатыры ұшты.
Зардап шеккендер жоқ.
Қазіргі кезде оқиғаның жай-жапсары, келтірілген шығын анықталу үстінде.
БҚО ТЖ департаменті ауа райына байланысты ескерту жарияланған кезде тұрғындардың сақ болу қажеттігін ескертеді.
Еске сала кетейік, бұдан бұрын Батыс Қазақстан облысында жел күшейіп, тұман түсетінін жазған болатынбыз.
Кеше кештен бастап Орал қаласында да жел күшейіп, қар жауды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).