18:55, 05 Маусым 2017

БҚО-да күшті жел мәдениет үйінің шатырын жұлып әкетті

ОРАЛ. ҚазАқпарат - 3 маусым күні сағат 15.30-да күшті жел Сырым ауданы Аралтөбе ауылындағы екі қабатты мәдениет үйінің жалпы алаңы 250 шаршы метр шатырын жұлып әкетті, деп хабарлайды «ҚазАқпарат» тілшісі.

БҚО ТЖ департаментінің баспасөз қызметінен түскен мәліметке қарағанда, сол күні сағат 16.50-де осы ауданның Бұлан ауылында 24 шаршы метр шаруашылық құрылысы мен гараждың төбесі де сондай күйге ұшыраған.

Сырым ауданы әкімі аппаратының басшысы Ерлан Сәрсеновтің айтуынша, зардап шеккендер жоқ. Мәдениет үйінің төбесін қалпына келтіру жұмыстары жүргізілетін болады.

Еске сала кетейік, өңірде желдің күшейетіні жөнінде БҚО ТЖ департаменті 29 мамырдан бастап бірнеше рет ескерту жариялаған болатын.

Батыс Қазақстан облысы Төтенше оқиғалар, апаттар
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).