АСТАНА. ҚазАқпарат - Батыс Қазақстан облысында 4-5 ақпан күндері күшті жел тұрып, бұрқасын соғады, деп хабарлайды ҚазАқпарат тілшісі.
Желдің жылдамдығы секундына 17-22 метрге дейін жетуі мүмкін. Боранға қоса көктайғақ болуы ықтимал.
Бұл туралы БҚО ТЖ департаменті хабарлап, ескерту жариялады. Қазіргі кезде тұрғындар арасында төтенше жағдайларды болдырмау мақсатында шаралар қолға алынуда.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).