ОРАЛ. ҚазАқпарат - Батыс Қазақстан облысында құтқарушылар ауырып қалған бес айлық сәби мен оның анасын ауруханаға жеткізді, деп хабарлайды ҚазАқпарат тілшісі.
БҚО ТЖ департаментінің баспасөз қызметінен алынған мәліметке қарағанда, бүгін сағат 12.05-те Бәйтерек ауданы Шалғай ауылында бес жасар баланың ауырып жатқаны жөнінде хабар түскен.
Аудан орталығы Переметныйдан 41 км қашықтықта орналасқан Шалғаймен екі ортадағы жолды қар басып қалғандықтан, қатынас үзілген.
Бәйтерек аудандық ТЖ бөлімінің қызметкері, азаматтық қорғау капитаны Николай Сламихин оралдық құтқарушылар Батыр Тілегенов пен Әзілхан Қарабасовтың және арнайы техниканың көмегімен шұғыл ауылға аттанды.
Соның нәтижесінде 2018 жылғы И.Кашманов пен оның анасы, 1990 жылғы Ю.Кашманов аудандық орталық ауруханаға жеткізілді.
«Қазір олар дәрігерлердің бақылауында», деп хабарлады ҚазАқпарат тілшісіне ТЖ департаментінің баспасөз хатшысы Жәдігер Құсайынов.
Еске сала кетейік, бұдан бұрын облыста 800-ден астам адамның қар құрсауынан құтқарылғанын жазған болатынбыз.
Бүгін сондай-ақ ауа райына байланысты ескерту жарияланды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).