ОРАЛ. ҚазАқпарат – Батыс Қазақстан облысында қыстақтан шыққан тұрғын адасып кеткен, деп хабарлайды ҚазАқпарат тілшісі.
БҚО ТЖ департаментінің баспасөз қызметі мәлім еткеніндей, оқиға 25 қараша күні Ақжайық ауданы Тайпақ ауылдық округінде болды.
Сағат 09.24-те Ащышеген қыстағынан шығып, адасып кеткен 33 жастағы тұрғынды іздестіру керектігі туралы хабар түскен. Ол түнгі сағат 01.00-де Ащышегеннен Тайпақ ауылына қарай (арасы 30 шақырым) бет алып, бағытынан жаңылған.
Іздестіру жұмыстары барысында жоғалған тұрғын сағат 13.03-те Ащышегеннен 5 км қашықтықта «Сербол» шаруа қожалығының қыстағынан табылды. Оның жағдайы жақсы, медициналық көмекті қажетсінбеді.
БҚО ТЖ департаменті тұрғындардың ауа райы бұзылатын күндері алдын ала жария етілетін ескертулерге құлақ асып, елді мекеннен алыс жерлерге шықпауы қажеттігін еске салады.
Еске сала кетейік, бұдан бұрын БҚО-да 21 тонна бензин әкеле жатқан «КамАЗ» көлігінің аударылып қалғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).