ОРАЛ. Батыс Қазақстан облысында тағы бір оқушы асылып қалды, деп хабарлайды ҚазАқпарат тілшісі.
БҚО білім басқармасының баспасөз қызметінен түскен мәліметке қарағанда, оқиға 6 желтоқсан күні Сырым ауданында орын алды.
Сағат 18.44 шамасында Бұлан орта мектеп-балабақша кешенінің 9-сынып оқушысы үйінде өзіне-өзі қол жұмсаған.
Қыз бала толық, аз қамтылған отбасында тәрбиеленген. Қазіргі кезде құзырлы органдар тарапынан анықтау жұмыстары жүргізілуде.
Ауыл тұрғындарының сөзіне қарағанда, қыздың сабағы жақсы болған. Аталмыш отбасында 2 қыз, 2 ұл бала болса, марқұм соның бірі еді.
Бұл - соңғы кездегі осындай үшінші оқиға. Бұдан бұрын Жаңақала ауданында қос бірдей 11-сынып оқушысы асылып қалған болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).