ОРАЛ. ҚазАқпарат - Сырым ауданында мал іздеуге шыққан қос тұрғын адасып кетті, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, оқиға кеше Қособа ауылдық округіне қарасты Жаманкөл қыстағында орын алған. Сағат 19.00-де мал іздеуге шыққан 1981 және 1988 жылғы азаматтар бағытынан айырылып қалған.
Олардың жоғалып кеткені жөнінде хабар 22.30-да түскен. Тұрғындарды ТЖ департаментінен 2 қызметкер бір көлікпен іздестірді. Екі сағаттан кейін, 00.35-те адасқандар Қамыстыкөл қыстағынан 2 шақырым жерден табылып, аудан орталығы Жымпитыға жеткізілді. Жағдайлары бірқалыпты.
Еске сала кетейік, бұдан бұрын Оралда 83 жастағы қарияның іздестіріліп жатқанын жазған болатынбыз.
«Қария әлі іздестірілуде, табылған жоқ», деп хабарлады ТЖ департаментінің баспасөз қызметінен.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).