ОРАЛ. ҚазАқпарат - Ақжайық ауданы Қарауылтөбе ауылында малдарымен бірге қора жанып кетті, деп хабарлайды ҚазАқпарат тілшісі.
Аудандық ТЖ бөлімінен түскен мәліметке қарағанда, оқиға 14 маусым күні шамамен сағат 16.50-де орын алды.
Үй ауласында гараж, сарай, 4 тонна пішен, сондай-ақ қорада тұрған үш бас баспақ, ешкі және 25 тауық отқа оранды. Өрттің жалпы аумағы 190 шаршы метрді қамтыды.
«Тілсіз жауды» №30 өрт сөндіру бөлімі, ауылдағы ерікті өрт сөндіруші жасағы ауыздықтады.
Қазіргі кезде өрттің шығу себебі, келтірілген шығын, кінәлі адамдар анықталуда.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).