ОРАЛ. KAZINFORM – Батыс Қазақстан облысында Қаратөбе ауданы прокуратурасы тексеру қорытындысы бойынша жол жөндеуге топырақтың заңсыз алынғанын анықтады.
БҚО прокуратурасының баспасөз қызметінен мәлім еткеніндей, Қалдығайты және Қарақамыс ауылдарының ішкі жолдарын күрделі жөндеу барысында мердігер елді мекен маңынан 8 200 тонна топырақты уәкілетті органның рұқсатынсыз заңсыз қазып алған.
«Келтірілген шығын көлемі 2 млн 900 мың теңгеден асты. Прокуратураның қадағалау актілері бойынша жосықсыз мердігер әкімшілік жауапкершілікке тартылды, келтірілген залал толық көлемде өндірілді», - деп хабарлады ведомстводан.
Еске сала кетейік, бұдан бұрын Батыс Қазақстанда 1,3 млрд теңгеге мемлекеттік сатып алудың күші жойылғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).