ОРАЛ. 22 қараша. ҚазАқпарат /Елжан Ералы/ - Батыс Қазақстан облысында биылғы он айда 36228,8 млн. теңгенің мұнай өңдеу өнімдері өндірілді.
Облыстық статистика департаментінен хабарлағанындай, бұл өткен жылғыдан 1,4 есеге артық. Өткен жылғы осы кезеңмен салыстырғанда газойль өндіру көбейіп отыр.
Жыл басынан бері сондай-ақ 4411,4 млн. теңгенің басқа металл емес минералдық өнімдері шығарылды, бұл да 1,4 есеге жоғары. Құрылыс мақсатындағы бетон бұйымдары, құрылыс қоспасы арта түскен.
Металлургия өнеркәсібіндегі өнім көлемі 3743,5 млн. теңгені құрады, бұл өткен жылғыдан 4,7 пайызға кем. Дегенмен ұнтақталған шар, профнастил шығару өскен.
Электрмен қамту, газ, бу бөлу кәсіпорындарындағы өнім көлемі 18,6 млрд. теңгеге жетіп, 0,4 пайызға көбейді.
Сумен қамту, кәріздік жүйе, қалдықтар жинау мен бөлуді бақылау кәсіпорындарындағы өнім көлемі 4,0 млрд. теңгені құрап, 17,4 пайызға артты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).