ОРАЛ. 8 қазан. ҚазАқпарат - БҚО бойынша экономикалық қылмысқа және сыбайлас жемқорлыққа қарсы күрес департаментінің қызметкерлері 3 қазан күні көлемі 51 текше метр,
құны 5,2 млн. теңгені құрайтын мұнайгазконденсатын апара жатқан «КамАЗ» маркалы қос автокөлікті ұстады.
Департаменттің баспасөз қызметінен түскен мәліметке қарағанда, аталмыш өнімнің «Жайықмұнай» ЖШС-ына тиесілі «Чинарев-Белес» магистралды мұнай құбырын заңсыз тесіп кіру арқылы жымқырылғаны анықталды.
Осы факті бойынша К. деген азамат және басқа тұлғаларға қатысты ҚР ҚК 175-бабы 4-бөлімі «б» тармағы, 183-1 бабы 1-бөлімі, 304-бабы 3-бөлімі «б» тармағы бойынша қылмыстық істер қозғалды.
Қазіргі уақытта К. деген азамат ҚР ҚІЖК 150-бабына сәйкес қамауға алынды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).