ОРАЛ. ҚазАқпарат - «Қазгидромет» РМК БҚО филиалының мәліметіне қарағанда, 25 тамыз күні өңірдің кей жерлерінде найзағай ойнап, бұршақ соғуы, оңтүстік-шығыстан соғатын жел батысқа ауысып, жылдамдығы секундына 15-20 метрге жетуі ықтимал, деп хабарлайды «ҚазАқпарат» тілшісі.
Осыған байланысты БҚО ТЖ департаменті ескерту жариялады. Қазіргі кезде тұрғындар арасында төтенше жағдайларға жол бермеу, өмірлік маңызы зор нысандардың, электр және байланыс жүйелерінің қалыпты жұмысын қамтамасыз ету бағытында шаралар алынуда.
Айта кетейік, соңғы күндері облыста күн қатты ысып тұр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).