ОРАЛ. ҚазАқпарат - Батыс Қазақстан облысында 3 маусым күні найзағай ойнап, жел күшейеді, деп хабарлайды ҚазАқпарат тілшісі.
«Қазгидромет» РМК БҚО филиалының мәліметі бойынша кей жерлерде оңтүстік-шығыстан солтүстік-батысқа ауысып соғатын желдің жылдамдығы секундына 15-20 метрге дейін жетуі ықтимал.
Сондай-ақ бұршақ жаууы мүмкін.
Орал қаласында да күндіз найзағай ойнап, желдің екпіні секундына 18 метрге жетпек.
Осыған байланысты БҚО ТЖ департаменті ескерту жариялады.
Төтенше жағдайларды болдырмау мақсатында тиісті шаралар қолға алынуда.
Оған қоса облыста бірнеше күннен бері аптап ыстық буып тұр. Соған орай өрт қаупі де күшейді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).