ОРАЛ. 15 қараша. ҚазАқпарат /Елжан Ералы/ - Батыс Қазақстан облысында бір қызметкердің орташа айлық жалақысы 90509 теңгеге жетіп, өткен жылғыдан 8,8 пайызға өсті.
Облыстық статистика департаментінен хабарлағанындай, өңірде ең жоғарғы еңбекақы құрылыста - 167,0 мың теңге (орташа облыстық көрсеткіштен 1,8 есеге артық), өнеркәсіпте - 147,6 мың теңге (1,6 есеге), әкімшілік және қосалқы қызмет көрсету саласында - 120,7 мың теңге (1,3 есеге), қаржы және сақтандыру қызметі бойынша 101,1 мың теңгеге (1,1 есеге) жеткен.
Ең төменгі жалақы ауыл, орман және балық шаруашылығы саласында, мұнда орташа жалақы орта облыстық көрсеткіштің 52,9 % - ына тең.
Аумақтық жағынан алғанда бұрынғысынша Бөрлі ауданы алда келеді, мұнда орташа жалақы - 198,4 мың теңге, бұл облыстық деңгейден 2,2 есеге көп.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).