ОРАЛ. ҚазАқпарат - БҚО-ның Қаратөбе ауданында полиция қызметкеріне қол көтерген тұрғын сотталды, деп хабарлайды «ҚазАқпарат» тілшісі.
БҚО сотының баспасөз қызметінен түскен мәліметке қарағанда, Қаратөбе ауылының тұрғыны мас күйінде қызметтік міндетін атқарып жүрген жергілікті полиция қызметі ұйымдастыру мәселелері жөніндегі инспекторының ар-намысына тиетін сөздер айтып, балағаттаған. Онымен қоймай, соққы жасаған.
Қаратөбе аудандық сотының үкімімен аталған тұрғын ҚР ҚК 378-бабы 1-бөлігі (билік өкіліне тіл тигізу), 380-бабына ( билік өкіліне күш қолдану) сәйкес айыпты деп танылып, оның бір жылға бас бостандығы шектелді.
Сот үкімі заңды күшіне енген жоқ.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).