ОРАЛ. KAZINFORM — Батыс Қазақстан облысы Бәйтерек ауданы Достық ауылында полиция қызметкері асылып қалды.
Ауыл тұрғындарының сөзіне қарағанда, оқиға 21 маусым күні болды. 22 жастағы полиция қызметкері өз үйінің ауласында өмірін қиған. Марқұм 23 маусым күні жерленді.
Достық ауылдық округінің әкімі Әбубәкір Төлеуов оқиғаны растады.
БҚО полиция департаментінің баспасөз қызметінен мәлім еткеніндей, ер адамның өзіне-өзі қол жұмсауына байланысты қылмыстық іс тіркелді.
Қазіргі кезде оқиғаның мән-жайы анықталу үстінде.
Еске сала кетейік, бұдан бұрын БҚО-да прокуратура қызметкерінің өзіне-өзі қол жұмсағанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).