ОРАЛ. KAZINFORM — Батыс Қазақстан облысы Теректі ауданында қайғылы оқиға болды.
БҚО прокуратурасының баспасөз қызметінен мәлім еткеніндей, оқиға 8 мамыр күні Теректі ауылында болған.
— Теректі ауданы прокуратурасының қызметкері қызметтік үйінің ауласында өз өмірін қиған. Аталған дерек сотқа дейінгі тергеудің бірыңғай тізілімінде тіркелді. Мән-жайды анықтау үшін БҚО полиция департаменті тергеу амалдарын жүргізіп жатыр. Облыс прокуратурасы марқұмның отбасына қайғыға ортақтасып көңіл айтады. Қылмыстық іс жүргізу кодексінің 201-бабына сәйкес басқа ақпарат жариялауға жатпайды, — деп хабарлады прокуратурадан.
Еске сала кетейік, бұдан бұрын Оралда өртенген гараж орнынан ер адамның мүрдесі табылғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).