ОРАЛ. ҚазАқпарат - Батыс Қазақстан облысында сатушыға қарақшылық шабуыл жасау оқиғасы тергелуде, деп хабарлайды «ҚазАқпарат» тілшісі.
БҚО ішкі істер департаментінің баспасөз қызметінен түскен мәліметке қарағанда, 26 қаңтар күні шамамен сағат 17.00-де Зеленов ауданы Үлкен Шаған ауылында белгісіз біреу киім дүкенінде сатушыға қарақшылық шабуыл жасаған болатын.
Аталған дерек бойынша ҚР ҚК 192-бабы 2-бөліміне сәйкес сотқа дейінгі тергеу амалдары жүргізілуде. Қазіргі кезде күдікті анықталды.
Пышақ жарақатын алған әйел облыстық клиникалық ауруханаға түсіп, оған ота жасалған болатын.
Еске сала кетейік, қарақшылық шабуылға ұшыраған сатушының жансақтау бөлімінде жатқаны жөнінде жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).